Khayal

Dil me khayal aata hai kabhi
ki tu itni bhi khubsurat nahi
Ki aankho ko tujhe dekhne ki talab ho
Fir bhi ye talab mujhe hoti hai

Dil me khayal aata hai kabhi
Ki Tujhme itni bhi mehak nahi
Ki hawo me tera ehsaas ho
Fir bhi ye ehsaas mujhe hota hai

Dil me khayal aata hai kabhi
Ki teri awaz me itni bhi kashish nahi
Ki har pal tujhe sunna chahu
Fir bhi ye chahat mujhe hoti hai

Dil me khayal aata hai kabhi
Ki teri aada me wo sadagi  nahi
Ki mujhe tujhe dekhne ki khwahish  ho
Fir bhi ye khwahish  mujhe hoti hai

Dil me khayal aata hai kabhi
Ki tujhse itni bhi mohabbat nahi
Ki tujhe pane ke  liye tujhi ko tadpau
Fir bhi ye tadap teri mujhe hoti hai